點解啲義工話自己係救貓？啲貓好地地係條街點解一定要人領養？今日就黎講吓🐱耳仔的故事——

當初領養，義工問我：「我帶左佢去愛協絕育，剪左耳嘅，你介唔介意？」為表誠意緊係死都答唔介意啦，無半隻耳仔就唔要咩，但係唔明愛協絕育就絕育做乜又要剪人耳仔囉，有邊個會想自己無左一忽肉喎！(細個Moka每次照鏡都會唔開心嫁)

領養完其實都仲係對CCCP、剪耳呢啲一無所知，只係知個名，有啲咁嘅習俗，流浪又唔一定到到都咁凶險，點解一定要「救」？無嫁，原來原因好簡單，唔講病唔病有無資源生存呢啲，原來漁農署每年都會因為「對人類造成滋擾」而人道毀滅過千隻貓(高峰9000幾)，如果佢地有CCCP義工負責，捉左去絕育先放回，有耳仔做標記比人捉到先唔洗死。痴線！原來唔剪耳係會死嫁！咁要靚定要命？🥲（關於✂️👂🏻嘅小知識：香港係男左女右，丫唔好意思講錯左，更正：係💁🏻‍♂️右💁🏻‍♀️左，係人類正面睇🐱嘅男左女右啊！)

耳仔講到呢到，如果你都係好奇寶寶嘅可以睇埋CCCP，全名係貓隻領域護理計劃（Cat Colony Care Programme），領域義工就類似小學收功課啲組長，一個組長負責一組，而登記左嘅CCCP義工就會負責餵養一個小小區嘅🐈，有咩事幫佢醫確保唔會影響小區其他貓，同時可以帶佢地去愛協免費絕育，絕育會入埋晶片，如果發現個區啲貓有咩事就可以揾返負責義工（不過咩情況會揾就要問返貓義工，一介廢柴奴才唔清楚），所以都有啲義工遇過啲白痴仔棄養但無退貓就咁掟出街，而佢地知道左。CCCP其實完全唔關領養事，只係「捕捉、絕育、放回」，不過啲義工見到適合入屋/唔適合放回嘅貓就會順便/含辛如苦咁幫佢地出埋領養。（所以可摸耳唔矛再鬧人放貓🥺放左人地都仲要負責嫁🥲）

老土都要講句，可以就唔好生，可以就唔好買，少一隻生出黎嘅喵，就多一隻流浪貓可以逃離人類嘅屠殺；多一個人為街貓負責，義工就多一個位照顧多一隻街貓♥️領養亦唔等於免費，只係成本由一班熱心嘅貓義工同助養人士幫我地比左。至於點解要殺貓💀、點類人類文明社會對小生命咁無量度呢啲，就留返你地💩忽痕個陣慢慢諗⋯⋯因為禾都唔明⋯⋯ #給浪浪一個家 #領養代替購買 #領養代替生育

資料來源：wiki、愛協官網同相熟貓義工咋